• News Desk
• 6 2026-06-20 04:53:34

തിരുവനന്തപുരം സംസ്ഥാനത്ത് എ ഐ ക്യാമറകൾ വഴി കണ്ടെത്തിയ ഗതാഗത നിയമലംഘനങ്ങളിൽ നിന്ന് മോട്ടോർ വാഹനവകുപ്പിന് ലഭിക്കാനുള്ള പിഴത്തുക 594 67 കോടി രൂപയായി ഉയർന്നു പിഴത്തുക പകുതിയായി കുറച്ചുകൊണ്ടുള്ള പ്രത്യേക ഇളവ് പദ്ധതി നടപ്പാക്കിയിട്ടും കുടിശ്ശികയിൽ കാര്യമായ കുറവുണ്ടാക്കാൻ കഴിഞ്ഞിട്ടില്ലെന്നാണ് കണക്കുകൾ വ്യക്തമാക്കുന്നത് സേവ് കേരള പദ്ധതിയുടെ ഭാഗമായി 2023 ജൂൺ മാസത്തിലാണ് സംസ്ഥാനത്തുടനീളം എ ഐ ക്യാമറകൾ പ്രവർത്തനം ആരംഭിച്ചത് അതിനുശേഷം 2025 മേയ് വരെ 1 42 കോടി നിയമലംഘനങ്ങളാണ് ക്യാമറകൾ കണ്ടെത്തിയത് ഇതിന്റെ അടിസ്ഥാനത്തിൽ 922 04 കോടി രൂപയുടെ ചലാനുകളാണ് മോട്ടോർ വാഹനവകുപ്പ് നൽകിയത് എന്നാൽ ഇതിൽ 55 52 ലക്ഷം പേർ മാത്രമാണ് പിഴ അടച്ചത് ഇതുവഴി വകുപ്പിന് ലഭിച്ചത് 327 കോടി രൂപ മാത്രമാണ് 87 52 ലക്ഷം പേരിൽ നിന്നായി ഇപ്പോഴും 594 67 കോടി രൂപ പിരിച്ചെടുക്കാനുണ്ടെന്നാണ് ഔദ്യോഗിക കണക്ക് കുടിശ്ശിക കുറയ്ക്കുന്നതിനായി സർക്കാർ പ്രത്യേക ഇളവും പ്രഖ്യാപിച്ചിരുന്നു 2024 ഡിസംബർ വരെ രജിസ്റ്റർ ചെയ്ത കേസുകളിൽ പിഴയുടെ പകുതി മാത്രം അടച്ചാൽ മതിയെന്നായിരുന്നു തീരുമാനം എന്നാൽ ഈ അവസരം പ്രയോജനപ്പെടുത്തിയത് 3 92 ലക്ഷം പേർ മാത്രം ഇളവ് പദ്ധതിയിലൂടെ സമാഹരിക്കാനായത് 13 04 കോടി രൂപ മാത്രമായിരുന്നു 225 കോടി രൂപ ചെലവഴിച്ചാണ് സംസ്ഥാനത്ത് 675 എ ഐ ക്യാമറകൾ സ്ഥാപിച്ചത് അമിതവേഗം ഹെൽമറ്റ് ധരിക്കാതിരിക്കുക സീറ്റ് ബെൽറ്റ് ഉപയോഗിക്കാതിരിക്കുക മൊബൈൽ ഫോൺ ഉപയോഗിച്ച് വാഹനമോടിക്കുക തുടങ്ങിയ നിയമലംഘനങ്ങൾ കണ്ടെത്തുന്നതിൽ ഈ ക്യാമറകൾ നിർണായക പങ്കുവഹിച്ചു ക്യാമറകൾ സ്ഥാപിച്ചതിന് ശേഷം റോഡപകട നിരക്കിൽ ഏകദേശം 7 5 ശതമാനം കുറവ് വന്നതായും റിപ്പോർട്ടുകൾ സൂചിപ്പിക്കുന്നു ഇതിനിടെ ക്യാമറകൾ സ്ഥാപിച്ച കമ്പനി കരാർ പ്രകാരം ലഭിക്കാനുള്ള 36 95 കോടി രൂപ ഇനിയും നൽകാനുണ്ടെന്ന് ആരോപിച്ച് ഹൈക്കോടതിയെ സമീപിച്ചിട്ടുണ്ട് ഈ സാഹചര്യത്തിൽ കുടിശ്ശിക പിഴ പിരിച്ചെടുക്കാൻ സർക്കാർ വീണ്ടും ഇളവുകൾ പ്രഖ്യാപിക്കുമോ അല്ലെങ്കിൽ കർശന നടപടികളിലേക്ക് കടക്കുമോ എന്നതാണ് ഇനി ശ്രദ്ധേയമാകുന്നത് സംസ്ഥാനത്ത് റോഡ് സുരക്ഷ ഉറപ്പാക്കുന്നതിൽ എ ഐ ക്യാമറകൾ വലിയ പങ്കുവഹിച്ചെങ്കിലും പിഴത്തുക പിരിച്ചെടുക്കുന്നതിൽ മോട്ടോർ വാഹനവകുപ്പ് ഇപ്പോഴും വലിയ വെല്ലുവിളി നേരിടുകയാണെന്നാണ് നിലവിലെ കണക്കുകൾ വ്യക്തമാക്കുന്നത് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക