• News Desk
• 2 2026-06-22 05:34:13

പയ്യോളി കുരങ്ങന്മാരുടെ തൂങ്ങിയാട്ടം റെയിൽവേ ഗതാഗതത്തിന് വൻ തടസ്സമായി പയ്യോളി കോട്ടക്കൽ റെയിൽവേ ഗേറ്റിനും മൂരാട് പാലത്തിനുമിടയിൽ വൈദ്യുത ലൈൻ പൊട്ടിപ്പോയതിനെ തുടർന്ന് കോഴിക്കോട് ഭാഗത്തേക്കുള്ള ട്രെയിൻ ഗതാഗതം ഏകദേശം ഒന്നേമുക്കാൽ മണിക്കൂർ നേരം തടസ്സപ്പെട്ടു ഞായറാഴ്ച വൈകിട്ട് മൂന്നുമണിയോടെയായിരുന്നു സംഭവം അഞ്ചിലധികം കുരങ്ങന്മാർ ഒരേസമയം വൈദ്യുത ലൈനിൽ തൂങ്ങിയാടിയതോടെയാണ് ഓവർഹെഡ് വൈദ്യുത കമ്പി പൊട്ടിയതെന്നാണ് പ്രാഥമിക നിഗമനം സമീപത്തെ പള്ളിയിലുണ്ടായിരുന്നവരാണ് അപകടം ശ്രദ്ധയിൽപ്പെടുത്തി ഉടൻ കോട്ടക്കൽ റെയിൽവേ ഗേറ്റിൽ വിവരം അറിയിച്ചത് സംഭവത്തെ തുടർന്ന് സുരക്ഷാ മുൻകരുതലിന്റെ ഭാഗമായി നിരവധി ട്രെയിനുകൾ വിവിധ സ്റ്റേഷനുകളിൽ പിടിച്ചിട്ടു കണ്ണൂർ എറണാകുളം ഇന്റർസിറ്റി എക്സ്പ്രസ് കാസർകോട് തിരുവനന്തപുരം വന്ദേഭാരത് കണ്ണൂർ ഷൊർണൂർ പാസഞ്ചർ ചെന്നൈ മെയിൽ മുംബൈ ലോകമാന്യതിലക് എറണാകുളം ദുരന്തോ എക്സ്പ്രസ് തുടങ്ങിയ പ്രധാന ട്രെയിനുകൾ വൈകിയാണ് സർവീസ് നടത്തിയത് വിവരം ലഭിച്ചതിനെ തുടർന്ന് കൊയിലാണ്ടിയിൽ നിന്ന് റെയിൽവേ സാങ്കേതിക വിഭാഗം സ്ഥലത്തെത്തി അടിയന്തര അറ്റകുറ്റപ്പണികൾ ആരംഭിച്ചു വൈകിട്ട് അഞ്ചുമണിയോടെ താൽക്കാലികമായി പ്രശ്നം പരിഹരിച്ചതോടെ ട്രെയിൻ ഗതാഗതം പുനഃസ്ഥാപിച്ചു തുടർന്ന് വന്ദേഭാരത് ഉൾപ്പെടെയുള്ള ട്രെയിനുകൾ നിയന്ത്രിത വേഗത്തിൽ കടത്തിവിട്ടു അതേസമയം കൂടുതൽ വിദഗ്ധ പരിശോധനകൾക്ക് ശേഷമേ പൂർണമായ അറ്റകുറ്റപ്പണി പൂർത്തിയാക്കാനാകൂവെന്ന് റെയിൽവേ അധികൃതർ അറിയിച്ചു അപ്രതീക്ഷിതമായ സംഭവത്തെ തുടർന്ന് യാത്രക്കാർക്ക് വലിയ ബുദ്ധിമുട്ട് നേരിടേണ്ടി വന്നെങ്കിലും ആളപായമോ മറ്റ് അപകടങ്ങളോ റിപ്പോർട്ട് ചെയ്തിട്ടില്ല സാധാരണ വനമേഖലകളിലും റെയിൽപാതയോട് ചേർന്ന പ്രദേശങ്ങളിലും കുരങ്ങന്മാരുടെ ശല്യം പതിവാണെങ്കിലും ഇവയുടെ തൂങ്ങിയാട്ടം മൂലം പ്രധാന റെയിൽവേ വൈദ്യുത ലൈൻ പൊട്ടി ട്രെയിൻ ഗതാഗതം തടസ്സപ്പെടുന്നത് അപൂർവ സംഭവമാണെന്ന് നാട്ടുകാർ പറഞ്ഞു ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക