• News Desk
• 6 2026-06-22 04:35:19

കൊച്ചി താരസംഘടനയായ അമ്മ യിൽ ഉണ്ടായ നാടകീയ സംഭവവികാസങ്ങൾക്കിടയിൽ നടി ലക്ഷ്മിപ്രിയ സംഘടനയുടെ പ്രാഥമിക അംഗത്വം രാജിവെച്ചു ഭരണസമിതിയുടെ കൂട്ടരാജിക്ക് പിന്നാലെയാണ് ലക്ഷ്മിപ്രിയയുടെ നിർണായക നീക്കം അമ്മ യുടെ ഔദ്യോഗിക വാട്ട്സ്ആപ്പ് ഗ്രൂപ്പിൽ പങ്കുവെച്ച വികാരഭരിതമായ സന്ദേശത്തിലൂടെയാണ് അവർ രാജിക്കാര്യം പ്രഖ്യാപിച്ചത് തനിക്ക് അമ്മ യുടെ പെൻഷനും ഇൻഷുറൻസും റീത്തും അനുശോചനവും ഒന്നും ആവശ്യമില്ലെന്ന് വ്യക്തമാക്കിയ ലക്ഷ്മിപ്രിയ തന്റെ മരണശേഷം പോലും സംഘടനയിലെ പലരും സമീപിക്കരുതെന്ന കടുത്ത നിലപാടും കുറിപ്പിൽ രേഖപ്പെടുത്തി മുതിർന്ന അംഗങ്ങളായ കാലടി ഓമന പൊന്നമ്മ ബാബു ഉഷ ആലപ്പുഴ എന്നിവർക്ക് സമർപ്പിച്ച രാജിക്കത്തിലാണ് ഈ വികാരനിർഭരമായ വാക്കുകൾ ഉൾപ്പെടുത്തിയിരിക്കുന്നത് കഴിഞ്ഞ ഓഗസ്റ്റിൽ അധികാരമേറ്റ വനിതാ നേതൃത്വത്തിലുള്ള ഭരണസമിതിയുടെ വൈസ് പ്രസിഡന്റായിരുന്ന ലക്ഷ്മിപ്രിയ നിലവിലെ സമിതിക്കെതിരെ ഉയർന്ന അഴിമതി ആരോപണങ്ങളെ ശക്തമായി തള്ളിക്കളഞ്ഞു കഴിഞ്ഞ ഭരണസമിതിയുടെ കാലത്തെ സാമ്പത്തിക രേഖകളിലും റിപ്പോർട്ടുകളിലും ഉണ്ടായ അപാകതകളാണ് നിലവിലെ ഭരണസമിതിക്ക് പ്രതിസന്ധി സൃഷ്ടിച്ചതെന്ന് അവർ ആരോപിച്ചു വാർഷിക ജനറൽ ബോഡി യോഗത്തിൽ അവതരിപ്പിച്ച റിപ്പോർട്ടിനും കണക്കുകൾക്കുമെതിരെ മുൻ ഭാരവാഹികൾ ഉൾപ്പെടെ ഒരു വിഭാഗം അംഗങ്ങൾ ശക്തമായ എതിർപ്പ് ഉയർത്തിയിരുന്നു ഇതിന് പിന്നാലെ പ്രസിഡന്റ് ശ്വേതാ മേനോൻ ഉൾപ്പെടെയുള്ള ഭരണസമിതി അംഗങ്ങൾ രാജിവെക്കുകയും സംഘടനയിൽ വലിയ പ്രതിസന്ധി രൂപപ്പെടുകയും ചെയ്തു സംഘടനയ്ക്കുള്ളിൽ ഒരു വിഭാഗം പ്രചരിപ്പിക്കുന്ന കഥകൾ മാത്രമാണ് പലരും വിശ്വസിക്കുന്നതെന്ന് ആരോപിച്ച ലക്ഷ്മിപ്രിയ കഴിഞ്ഞ ഓഗസ്റ്റിന് ശേഷം ഭരണസമിതി നടത്തിയ എല്ലാ സാമ്പത്തിക ഇടപാടുകളും സുതാര്യവും കൃത്യവുമാണെന്ന് അവകാശപ്പെട്ടു റിപ്പോർട്ട് ബുക്ക് സമയത്ത് പുറത്തിറക്കാൻ കഴിയാതിരുന്നതിന് കാരണം മുൻ ഭരണസമിതിയുടെ കാലത്തെ രേഖകളിലെ അപാകതകളാണെന്നും അവർ വിശദീകരിച്ചു അമ്മ യിലെ ആഭ്യന്തര ഭിന്നതകൾ പരസ്യമായി പുറത്തുവന്ന സാഹചര്യത്തിൽ ലക്ഷ്മിപ്രിയയുടെ രാജി സംഘടനയിലെ പ്രതിസന്ധി കൂടുതൽ സങ്കീർണമാക്കുന്നതായാണ് വിലയിരുത്തൽ ശ്വേതാ മേനോന്റെ രാജിയും ലക്ഷ്മിപ്രിയയുടെ പടിയിറക്കവും മലയാള സിനിമാ മേഖലയിലും അമ്മ യുടെ ഭാവിയെക്കുറിച്ചുള്ള ചർച്ചകൾക്ക് വഴിതെളിച്ചിരിക്കുകയാണ് സംഘടനയിലെ സാമ്പത്തിക സുതാര്യത മുൻ ഭരണസമിതിക്കെതിരായ ആരോപണങ്ങൾ അംഗങ്ങൾ തമ്മിലുള്ള വിശ്വാസ പ്രതിസന്ധി എന്നിവയെ ചുറ്റിപ്പറ്റിയുള്ള വിവാദങ്ങൾ തുടരുന്നതിനിടെ അമ്മ യുടെ പുതിയ നേതൃത്വവും ഭാവി പ്രവർത്തനങ്ങളും ഇനി ഏത് ദിശയിലേക്ക് നീങ്ങുമെന്നത് ഉറ്റുനോക്കപ്പെടുകയാണ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക