• News Desk
• 7 2026-06-22 05:13:39

ലഖ്നൗ ഉത്തർപ്രദേശിലെ ഗോരഖ്പൂരിൽ ഒമ്പത് മാസം പ്രായമുള്ള പെൺകുഞ്ഞിനെ ക്രൂരമായി പീഡിപ്പിച്ചെന്നാരോപിച്ച് ബന്ധുവായ 12 വയസ്സുകാരനെ പോലീസ് കസ്റ്റഡിയിലെടുത്തു രാജ്യത്തെ നടുക്കിയ സംഭവത്തിൽ കുഞ്ഞ് ഗുരുതരാവസ്ഥയിൽ ചികിത്സയിൽ തുടരുകയാണ് ഗുലാരിഹ പോലീസ് സ്റ്റേഷൻ പരിധിയിൽ വെള്ളിയാഴ്ച രാത്രിയായിരുന്നു സംഭവം അമ്മയോടൊപ്പം ഉറങ്ങിക്കിടന്നിരുന്ന കുഞ്ഞിനെ പുലർച്ചെ രണ്ട് മണിയോടെ കാണാതാകുകയായിരുന്നു തുടർന്ന് കുടുംബാംഗങ്ങൾ പ്രദേശത്ത് വ്യാപകമായി തിരച്ചിൽ നടത്തിയെങ്കിലും കണ്ടെത്താനായില്ല ശനിയാഴ്ച രാവിലെ വീട്ടിൽ നിന്ന് ഏകദേശം 500 മീറ്റർ അകലെയുള്ള പാടത്തുള്ള ടിൻ ഷെഡിന് സമീപം കുഞ്ഞിനെ ഗുരുതര പരിക്കുകളോടെ കണ്ടെത്തുകയായിരുന്നു ഉടൻ തന്നെ കുട്ടിയെ ഗോരഖ്പൂരിലെ ബിആർഡി മെഡിക്കൽ കോളേജ് ആശുപത്രിയിലേക്ക് മാറ്റി കുഞ്ഞിന്റെ ആരോഗ്യനില അതീവ ഗുരുതരമായി തുടരുകയാണെന്ന് ആശുപത്രി അധികൃതർ അറിയിച്ചു സംഭവത്തെ തുടർന്ന് പോലീസ് നടത്തിയ അന്വേഷണത്തിലാണ് ചണ്ഡീഗഡിൽ നിന്ന് ബന്ധുവീട്ടിലെത്തിയിരുന്ന 12 വയസ്സുകാരനെ സംശയത്തെ തുടർന്ന് കസ്റ്റഡിയിലെടുത്തത് ചോദ്യം ചെയ്യലിനിടെ ഇയാൾ കുറ്റകൃത്യം സമ്മതിച്ചതായി പോലീസ് അറിയിച്ചു പ്രതി മദ്യം കഴിച്ചിരുന്നതായും മൊബൈൽ ഫോണിലൂടെ അശ്ലീല ദൃശ്യങ്ങൾ കണ്ട ശേഷമാണ് കുഞ്ഞിനെ തട്ടിക്കൊണ്ടുപോയതെന്നും പോലീസിനോട് മൊഴി നൽകിയതായി അന്വേഷണ സംഘം വ്യക്തമാക്കി പ്രതിയുടെ മൊബൈൽ ഫോൺ പരിശോധിച്ചപ്പോൾ നിരവധി അശ്ലീല വീഡിയോകളും വെബ്സൈറ്റുകളിലേക്കുള്ള സന്ദർശന വിവരങ്ങളും കണ്ടെത്തിയതായും പോലീസ് അറിയിച്ചു കുഞ്ഞിന് ക്രൂരമായ ലൈംഗിക പീഡനം നടന്നതായി വൈദ്യപരിശോധനയിൽ സ്ഥിരീകരിച്ചിട്ടുണ്ടെന്ന് അന്വേഷണ ഉദ്യോഗസ്ഥർ അറിയിച്ചു സംഭവത്തിൽ കൂടുതൽ തെളിവുകൾ ശേഖരിക്കുന്നതിനും കുറ്റകൃത്യത്തിന്റെ പശ്ചാത്തലം വ്യക്തമാക്കുന്നതിനുമായി അന്വേഷണം ഊർജിതമാക്കിയിരിക്കുകയാണ് കേസിൽ പ്രായപൂർത്തിയാകാത്ത പ്രതിക്കെതിരെ നിയമാനുസൃത നടപടികൾ സ്വീകരിച്ചുവരികയാണെന്ന് സിറ്റി പോലീസ് സൂപ്രണ്ട് നിമേഷ് പാട്ടീൽ വ്യക്തമാക്കി കുഞ്ഞിന്റെ മാതാപിതാക്കളിൽ നിന്നും മറ്റ് കുടുംബാംഗങ്ങളിൽ നിന്നും വിശദമായ മൊഴികൾ രേഖപ്പെടുത്തുകയും സംഭവവുമായി ബന്ധപ്പെട്ട എല്ലാ സാഹചര്യങ്ങളും പരിശോധിച്ചുവരികയുമാണെന്ന് അദ്ദേഹം കൂട്ടിച്ചേർത്തു സംഭവം പ്രദേശത്ത് വലിയ പ്രതിഷേധത്തിനും ആശങ്കയ്ക്കും ഇടയാക്കിയിട്ടുണ്ട് കുഞ്ഞിന്റെ ആരോഗ്യനിലയിൽ പുരോഗതിയുണ്ടാകുമെന്ന പ്രതീക്ഷയിലാണ് കുടുംബവും നാട്ടുകാരും ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക