• News Desk
• 4 2026-06-30 06:23:01

തിരുവനന്തപുരം കേരളത്തിന്റെ അഭിമാന പദ്ധതിയായ വിഴിഞ്ഞം അന്താരാഷ്ട്ര തുറമുഖത്തിന്റെ വികസനത്തിന് വൻ കരുത്തേകുന്ന ചരിത്രപരമായ നിക്ഷേപവുമായി ലോകത്തെ പ്രമുഖ ഷിപ്പിങ് കമ്പനികളിലൊന്നായ മെഡിറ്ററേനിയൻ ഷിപ്പിങ് കമ്പനി അദാനി ഗ്രൂപ്പിന്റെ ഉപസ്ഥാപനമായ അദാനി വിഴിഞ്ഞം പോർട്ട് പ്രൈവറ്റ് ലിമിറ്റഡിന്റെ 49 ശതമാനം ഓഹരികളാണ് എംഎസ് സി സ്വന്തമാക്കുന്നത് സ്റ്റോക്ക് എക്സ്ചേഞ്ചുകൾക്ക് സമർപ്പിച്ച റിപ്പോർട്ടിൽ അദാനി പോർട്സ് അറിയിച്ചതനുസരിച്ച് എവിപിപിഎലിന് 285 കോടി ഡോളർ ഏകദേശം 27 000 കോടി രൂപ മൂല്യം കണക്കാക്കിയിരിക്കുകയാണ് ഇതിൽ 49 ശതമാനം ഓഹരികൾക്കായി 139 7 കോടി ഡോളർ ഏകദേശം 13 270 കോടി രൂപ എംഎസ് സി നിക്ഷേപിക്കും ഇന്ത്യൻ തുറമുഖ മേഖലയിലെ ഏറ്റവും വലിയ വിദേശ നിക്ഷേപങ്ങളിലൊന്നായാണ് ഈ ഇടപാട് വിലയിരുത്തപ്പെടുന്നത് ലോക ഷിപ്പിങ് ഭീമന്റെ പങ്കാളിത്തം എംഎസ് സിയുടെ തുറമുഖ പ്രവർത്തന വിഭാഗമായ ടെർമിനൽ ഇൻവെസ്റ്റ്മെന്റ് ലിമിറ്റഡ് വഴിയാണ് നിക്ഷേപം നടക്കുന്നത് ടിഐഎല്ലിന്റെ ഉപസ്ഥാപനമായ മുൻഡി ലിമിറ്റഡ് ആയിരിക്കും ഓഹരികൾ ഏറ്റെടുക്കുക ലോകമെമ്പാടുമുള്ള തുറമുഖങ്ങളുമായി പ്രവർത്തനപരിചയമുള്ള എംഎസ് സിയുടെ പങ്കാളിത്തം വിഴിഞ്ഞം തുറമുഖത്തിലേക്ക് കൂടുതൽ രാജ്യാന്തര ചരക്കുകപ്പലുകളും കണ്ടെയ്നറുകളും ആകർഷിക്കാൻ സഹായിക്കുമെന്നാണ് വിലയിരുത്തൽ തുറമുഖത്തിന്റെ പശ്ചാത്തല വികസനത്തിനും ആഗോള ലോജിസ്റ്റിക് ശൃംഖലയുമായി കൂടുതൽ ബന്ധിപ്പിക്കാനും ഈ സഹകരണം നിർണായകമാകുമെന്നാണ് പ്രതീക്ഷ മൂന്നാമത്തെ സംയുക്ത പദ്ധതി അദാനി ഗ്രൂപ്പും എംഎസ് സിയും ഇന്ത്യയിൽ ഒരുമിച്ച് പ്രവർത്തിക്കുന്ന മൂന്നാമത്തെ തുറമുഖ പദ്ധതിയാണിത് നിലവിൽ ഗുജറാത്തിലെ മുന്ദ്ര തുറമുഖത്തിന്റെ മൂന്നാം ടെർമിനലിലും തമിഴ്നാട്ടിലെ എന്നോർ തുറമുഖത്തും ഇരു കമ്പനികളും സഹകരിച്ചാണ് പ്രവർത്തിക്കുന്നത് വികസനത്തോടെ ശേഷി 3 5 മടങ്ങ് വിഴിഞ്ഞം തുറമുഖത്തിന്റെ രണ്ടാംഘട്ട വികസന പ്രവർത്തനങ്ങൾ ഇപ്പോൾ പുരോഗമിക്കുകയാണ് നിലവിൽ തുറമുഖത്തിന്റെ കണ്ടെയ്നർ കൈകാര്യം ചെയ്യാനുള്ള ശേഷി 16 ലക്ഷം ടി ഇ യു ആണ് 2028 ഡിസംബറിൽ വികസന പ്രവർത്തനങ്ങൾ പൂർത്തിയാകുന്നതോടെ ഈ ശേഷി 57 ലക്ഷം ടി ഇ യുവായി അതായത് 3 5 മടങ്ങിലേറെ വർധിക്കും ഇതോടെ വിഴിഞ്ഞം ഇന്ത്യയിലെ ഏറ്റവും വലിയ ട്രാൻസ്ഷിപ്പ്മെന്റ് ഹബ്ബുകളിലൊന്നായി മാറുമെന്നാണ് പ്രതീക്ഷ ഇന്ത്യയുടെ തന്ത്രപ്രധാന തുറമുഖം ഇന്ത്യയിലെ ആദ്യ സ്വാഭാവിക ആഴമുള്ള മെഗാ ട്രാൻസ്ഷിപ്പ്മെന്റ് തുറമുഖമാണ് വിഴിഞ്ഞം അന്താരാഷ്ട്ര കപ്പൽപ്പാതയിൽ നിന്ന് വെറും 10 നോട്ടിക്കൽ മൈൽ മാത്രം അകലെയാണെന്നത് തുറമുഖത്തിന്റെ ഏറ്റവും വലിയ പ്രത്യേകതയാണ് 18 മുതൽ 20 മീറ്റർ വരെ സ്വാഭാവിക ആഴമുള്ളതിനാൽ ലോകത്തിലെ ഏറ്റവും വലിയ ചരക്കുകപ്പലുകൾക്കും വിഴിഞ്ഞത്ത് എളുപ്പത്തിൽ എത്തിച്ചേരാൻ കഴിയും കൂടാതെ 800 മീറ്റർ നീളമുള്ള ബെർത്ത് അത്യാധുനിക ക്രെയിനുകൾ വേഗമേറിയ കണ്ടെയ്നർ കൈകാര്യം ചെയ്യാനുള്ള സംവിധാനങ്ങൾ എന്നിവയും തുറമുഖത്തെ ആഗോള നിലവാരത്തിലേക്ക് ഉയർത്തുന്നു റെക്കോർഡുകൾ തകർത്ത് വിഴിഞ്ഞം പ്രവർത്തനം ആരംഭിച്ച ചുരുങ്ങിയ കാലത്തിനുള്ളിൽ തന്നെ വിഴിഞ്ഞം തുറമുഖം നിരവധി റെക്കോർഡുകൾ സ്വന്തമാക്കി 2025 26 സാമ്പത്തിക വർഷത്തിൽ 13 ലക്ഷം ടി ഇ യു കണ്ടെയ്നറുകളും 615 കപ്പലുകളും വിഴിഞ്ഞം കൈകാര്യം ചെയ്തു ഇന്ത്യയിൽ ഏറ്റവും വേഗത്തിൽ 10 ലക്ഷം ടി ഇ യു കണ്ടെയ്നർ കൈകാര്യം ചെയ്ത തുറമുഖമെന്ന നേട്ടവും വിഴിഞ്ഞത്തിനാണ് പ്രവർത്തനം ആരംഭിച്ച് 18 മാസത്തിനുള്ളിൽ 20 ലക്ഷം ടി ഇ യു കണ്ടെയ്നറുകളും 950 കപ്പലുകളും കൈകാര്യം ചെയ്തതോടെ രാജ്യത്തെ ഏറ്റവും വേഗത്തിൽ വളരുന്ന തുറമുഖമെന്ന സ്ഥാനം വിഴിഞ്ഞം ഉറപ്പിച്ചു എംഎസ് സിയുടെ വമ്പൻ നിക്ഷേപത്തോടെ വിഴിഞ്ഞം തുറമുഖത്തിന്റെ ആഗോള പ്രാധാന്യം കൂടുതൽ വർധിക്കുമെന്നാണ് വിലയിരുത്തൽ കേരളത്തിന്റെ സമ്പദ് വ്യവസ്ഥയ്ക്കും തൊഴിൽ മേഖലക്കും ലോജിസ്റ്റിക് രംഗത്തിനും ഈ നിക്ഷേപം പുതിയ സാധ്യതകൾ തുറന്നുകൊടുക്കുമെന്നും വിദഗ്ധർ ചൂണ്ടിക്കാട്ടുന്നു ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക