• News Desk
• 2 2026-07-14 05:37:56

വാഷിങ്ടൺ ലോക വ്യാപാരത്തിന്റെ നിർണായക കടൽപാതയായ ഹോർമുസ് കടലിടുക്കിലൂടെ കടന്നുപോകുന്ന കടൽഗതാഗതത്തിന്റെ സുരക്ഷയ്ക്കായി ഗൾഫ് രാജ്യങ്ങൾ അമേരിക്കയ്ക്ക് പ്രതിഫലം നൽകണമെന്ന് യു എസ് പ്രസിഡന്റ് ഡൊണാൾഡ് ട്രംപ് ആവശ്യപ്പെട്ടു കടലിടുക്കിലൂടെ കടന്നുപോകുന്ന എല്ലാ ചരക്കുകൾക്കും 20 ശതമാനം നികുതി ഈടാക്കുമെന്നും അതേസമയം ഇറാനിയൻ കപ്പലുകളുടെ സഞ്ചാരം തടയുമെന്നും അദ്ദേഹം പ്രഖ്യാപിച്ചു ഓവൽ ഓഫീസിൽ മാധ്യമപ്രവർത്തകരോട് സംസാരിക്കവെയാണ് ട്രംപ് ഇക്കാര്യം അറിയിച്ചത് അമേരിക്കയുടെ സൈനിക ഇടപെടലുകൾ ഇറാന്റെ സൈനികശേഷിയെ ഗണ്യമായി ദുർബലപ്പെടുത്തിയെന്നും അദ്ദേഹം അവകാശപ്പെട്ടു ഇറാന്റെ നാവിക വ്യോമ സേനയ്ക്ക് കനത്ത തിരിച്ചടിയേറ്റതായും നാവിക ആസ്തികളും വ്യോമ പ്രതിരോധ സംവിധാനങ്ങളും ആയുധ നിർമാണ അടിസ്ഥാന സൗകര്യങ്ങളും വ്യാപകമായി നശിപ്പിച്ചതായും ട്രംപ് പറഞ്ഞു ഇറാന് ഉണ്ടായിരുന്ന 159 കപ്പലുകൾ പ്രവർത്തനരഹിതമാക്കിയെന്നും 200 വിമാനങ്ങളും നഷ്ടമായെന്നും അദ്ദേഹം അവകാശപ്പെട്ടു നാലുമാസം മുമ്പുണ്ടായിരുന്ന സൈനിക ശേഷിയല്ല ഇപ്പോൾ ഇറാനിനുള്ളതെന്നും ഈ കാലയളവിൽ ഇറാന്റെ പ്രതിരോധ ശേഷിയെ വൻതോതിൽ തകർത്തുവെന്നുമാണ് ട്രംപിന്റെ അവകാശവാദം എന്നിരുന്നാലും ഇറാന് ഇപ്പോഴും ചില മിസൈലുകളും പരിമിതമായ സൈനിക ശേഷിയും അവശേഷിക്കുന്നുണ്ടെന്നും അദ്ദേഹം സമ്മതിച്ചു ട്രംപിന്റെ പുതിയ പ്രഖ്യാപനങ്ങൾ പശ്ചിമേഷ്യയിലെ സുരക്ഷാ സാഹചര്യത്തെയും ആഗോള എണ്ണ വ്യാപാര മേഖലയെയും എങ്ങനെ ബാധിക്കുമെന്നത് അന്താരാഷ്ട്ര തലത്തിൽ ശ്രദ്ധേയമായ ചർച്ചയായിരിക്കുകയാണ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക